اكثر شي يبط جبدي لما يقولونلج انج بنت لا تطلعين هالحزه ولا لا تتاخرين !
اهما ليش يقولون جذي ويحددولنا وقت معين عشان نتواجد فيه بالبيت وما نطلع برا ؟
على قولتهم لانهم خايفيين علينا مو جذي ؟
انزين خايفين علينا من منو ؟
من الشباب طبعا
عيل دام الشباب هم ساس البلا قعدوهم بالبيت عشان لا ياذون بنات خلق الله !!!
انا اول مره اشوف ظالم ومظلوم والي يتحاسب فيهم ويتعاقب وينسجن هو المظلوم !!!! @@
تهقون اباء وامهات مثل هذول راح تنفع اعذارهم السخيفه الغير منطقيه جدام ربهم ؟
هناك 9 تعليقات:
وقرن في بيوتكن ايه موجه النساء النبي ومع هذا طلعو لغزوات وعمل وغيره
من يسبح ضد التيار هم العرب المتخلفون واذا قعده البيت عاجبه فاطمهه وغيرها فانا مو عاجبتني انا ووايد بنات
مشكور على كلامك الي يقهر
واسمحلي راح امسح تعليقك
أنا ما اعرف المرحلة العمرية اللي تنتمين لها, وطبعا مو شغلي اعرف :)
الاهل لما يفرضون عليج قانون معين بالنسبة للخروج من البيت والعودة بوقت معين, فهم بالاول والاخير يسوون هالشيء بدافع الحب والحماية
يعني مو قصدهم إنهم يصكون عليج أو يحرمونج من الخروج والإنطلاق
كل واحد لما يكبر بالعمر, يبدا يفكر بكثير من الاشياء من منظور ثاني وناضج, ومدام هم أكبر منج فشيء أكيد إنهم يشوفون شي يمكن يكون غايب عن عيونج
عناد البنت وبالمقابل عناد الاهل ماراح يوصل الطرفين لاي نتيجة لان كل طرف يكون متمسك برأيه ومو راضي يتنازل عنه قيد أنملة, مع غني ما اعرف يعني شنو قيد أنملة :)
الحل يكون إن الطرفين يسايسون بعض ويقدمون بعض التنازلات
مو جني كتبت كلام وايد ماله معنى؟
تعرف الي يطقك ويكسر عظامك تالي يقولك انا احبك ؟
المفروض اهما يتنازلون لان اهما الغلطانيين
حريتي ماراح اتنازل عنها لانها هبه من الله
مو صح ؟
حياك الله
اي لازم نحمي البنت من الامكان اللي فيها بلاوي وفيها مشاكل اذا كنا احنا الشباب نخاف من بعض الاماكن فما بالك بالبنات والحريم ؟
عبد الله
انا فكرتي ان سبب المشاكل والخوف هم الشباب
عيل انتو الي قعدو بالبيت ولي بغى اخوك يطلع حش ريوله
مو تحشون ريولنا احنا الي مالنا ذنب غير ان طلعنا بنات
مرحبا
ايه والله منطق غبي ان البنت الي اهي الضحيه اهي تتعاقب وتقعد بالبيت
معليش بس باعلق على اللي قال انه لازم نجلس في البيت عشان الايه "وقرن في بيوتكن"
لو هو قرا اول الايه { يا نساء النبي لستن كأحد من النساء) ومكتوب في التفسير ان اوامر هذه الايه موجهه لنساء النبي فقط
يعني ما تشملنا
انا ما يقهرني الا اللي يعتقد انه الشديد على المراه هو من الدين
مبدعه صح كلامج
مشكله يتكلمون عن جهل بالامور الدينيه مع ان هذا كلام ربنا ما يصير نحرفه ونفسره على مزاجنا
إرسال تعليق