بينما انا ضايق خلقي وطاير من عيوني النوم وودي اطلع بهالليل اتمشى بالشوارع اخوي الهيس طالع هايت مستناس يدش ويطلع متى ما يبي بدون لا احد يحاسبه
شسوي ؟
احول جنسي ؟
صج صج قولولي شسوي
ما اتاخر نص ساعه الا واخذلي جم كف
السبت، 12 مارس 2011
الأربعاء، 2 مارس 2011
التعدد !!
اقول حق الي يقول ان التعدد اصل .. غلطان التعدد مو اصل ولا جان ابوك ادم له اربع زوجات
واقول حق الي يقول ان التعدد شي عادي ومستغرب ليش احنا ما نرضى بهشي .. اقوله لي رضيت انت تشوف مرتك بحضن ريال ثاني جود احنا نفكر ونرضى بشرايج ونرضى بالتعدد
___
السبت، 26 فبراير 2011
امي كله تسالني انا شسويتلج ؟
ما سويتي شي
بس يبتيني بنت بمجتمع رجعي ومتخلف ومتعصب مثل هذا
شنو اكبر ذنب من جذي ؟؟
الأحد، 6 فبراير 2011
سكانها ريلها !
ليش لما الريال يسمع كلام مرته يقولون عنه ( سكانه مرته ) ويضيفون وراها ( بااااع )
وبالمقابل المراة كله تسمع كلام ريلها ويحثونها على هـ الشي يقولونلها المراة مالها الا ريلها وسمعي كلامه !! معناته المراة بااع وسكناها ريلها ؟!!
يعني احنا عادي نكون خرفان عند الرياييل بس اهما لا ما يصير ؟!!
وتلوموني لي قلت بهاجر !!
لا وما يحرني الا اذا بنت قالت : ( الله لا اييب اليوم الي ريلي يسمع كلامي وياخذ فيه شوري ويصير بااع ) ؟!!
شوفو لي وين وصلت قامو البنات يغلطون على نفسهم وهما ما يدروون !! @@
صج لايعه جبدي مجتمع اى شي
ببباي
الاثنين، 31 يناير 2011
نو رجعيه
رفضو هالقانون = رفضو الرجعيه والتخلف واللقافه بعد
ليمته هالناس ما يفهمون الغلط والصح ربنا الي يحاسب عليه مو اهما
خلهم يتفصخون ويشذون مو شغلكم يا ناس بسكم لقافه وسوري على هـ الكلمه بس لازم تفهمون هشي
الاشياء الوحيده الي نقدر نتدخل فيها ونحاسب عليها اهي البوق والقتل وربنا وضح لنا هشي
باجي الاشياء الي نعتبرها معاصي بدين رب العالمين مو بيدكم ولا بيد اكبر قانون بهـ العالم
ومبروك الديمقراطيه ومبروك الانتصار على التخلف والرجعيه
والي مو عاجبه وديين صج خل يسمع كلام ربه ولا يخز بالرايح والياي
ولا محد ملزوم يطبق شرع الله الا الحريم ؟!!!!
اى والله
وبس تحياتي
الأحد، 23 يناير 2011
الجمعة، 21 يناير 2011
مظلوم ويتعاقب !
اكثر شي يبط جبدي لما يقولونلج انج بنت لا تطلعين هالحزه ولا لا تتاخرين !
اهما ليش يقولون جذي ويحددولنا وقت معين عشان نتواجد فيه بالبيت وما نطلع برا ؟
على قولتهم لانهم خايفيين علينا مو جذي ؟
انزين خايفين علينا من منو ؟
من الشباب طبعا
عيل دام الشباب هم ساس البلا قعدوهم بالبيت عشان لا ياذون بنات خلق الله !!!
انا اول مره اشوف ظالم ومظلوم والي يتحاسب فيهم ويتعاقب وينسجن هو المظلوم !!!! @@
تهقون اباء وامهات مثل هذول راح تنفع اعذارهم السخيفه الغير منطقيه جدام ربهم ؟
الثلاثاء، 18 يناير 2011
اكره الجيل القديم من النساء ( الصامتين والخانعين )
هذول صور حق عبيد قبل
ليش كانو يرضون بهـ الشي
ليش يسكتون عن حقهم في الحياة والحريه
اتخيل لو يصير فينا هشي ويستعبدوني !
ماراح ارضى
راح انحاش ولا اعاندهم عشان يذبحوني
ولا اعيش هـ العيشه والمذله
شلي خلاهم يسكتون عن حقهم ويرضون بان يكونو عبيد وملك حق غيرهم ؟
بذات الحريم ما كانو حيا الله عبيد وخلاص
كانو مثل ما انتو شايفين بالصور ..
ليش الناس يسوون جذي ؟
يعني ما يدرون ان الجيل الي وراهم راح يصير فيهم نفس الشي بسبب سكوتهم اجدادهم عن الظلم
هذي ساله اوجها حق الجيل الي اكبر مني من النساء الي رضو باستعباد المراة وووضع قيود عليها وتقييد حريتها بكل شي حتى بالتفكير
كانا الحين جيل 80 و 90 قاعدين ندفع ثمن سكوتكم
شنو اكرهكم يالي سكتو ورضيتو بكل اهانه وظلم
اذا سامحتهم ما ضنتي غيري بسامحكم ..
الحل شنو ؟
برايكم شلون ننهي الظلم بحق المراة ؟
انا برايي الحل بسيط
لي تساوت قوة المراة بالرجل ماراح يكون في شي اسمه ظلم للمراة
الاثنين، 17 يناير 2011
ابي اهاجر
اول بوست تحلطم
ليش انا شعندي غير التحلطم مثلا !
خلاص انا مليت من هالديره ومن العيب والمايصير والعادات والتقاليد السخيفه خلاص انا
بهاجر وبهدلكم الديره وبهد عقد الناس المعقدين خلاص ملييت ملييت اووف بس خلاص ليمته الواحد يبجي ويتحسر على عمره الي قاعد يروح
يقولون بيعطونا 1000 دينار منحه @@
ابي اهاجر بالالف الي عنده افكار يقولي
وعلى فكره تر من صجي اتحجى ابي حلول جاده
وعلى فكره تر من صجي اتحجى ابي حلول جاده
الاشتراك في:
الرسائل (Atom)